بما ان ناس كتير بتستفسر او بتسال عن سبب الي حصل ده
- السبب الرئيسي ان معدل الفايدة في امريكا زاد وده خلي المستثمرين الاجانب يسحبوا فلوسهم اللي اسمها هوت موني من الاسواق الناشئة زي مصر (دول اقتصادها واقع وبتعاني ) علشان يحطوها في اسواق اكتر امان (امريكا او الصين اقتصادهم قوي ) لان معدل مكسبهم زاد بالاضافة لنسبة معدل التضخم في مصر اصبحت 10% 🌐
- بعد القرار ده حد هيسأل سؤال و يقولي طيب وقرار خفض الجنية اية لازمته !؟
= هرد عليه ان ده عشان ارفع الفوائد في البنوك علي الودائع بالجنية المصري عشان ترجع تاني ميزة المكسب الاعلي للمستثمرين الاجانب فيرجعوا يحطوا عندك دولار تاني انهم بيشتروا الجنية عشان يحطوها ودايع في البنوك فبيبيعوا دولار
- يعني من الاخر دي بترجع الهوت موني اللي خرج بعد رفع الفائدة الامريكية للسوق من جديد ..
يا رب اكون عرفت اوضح ..
- ده ولا تطبيل ولا اي حاجة انا زي زيكم الي حصل مزعلني جدا لانه هياثر علي الكل وعلي كل السلع
- وبالمناسبه انخفاض اسعار العملات طال عملات كتير غير الجنيه المصري وخصوصا من الدول المحيطه بينا في المنطقه ده اكتشفته وانا بقلب علي جوجل كده وبتابع الحوار
- مثلا زي دول..
= الدينار الليبي والريال السعودي والليرهً التركية والدينار الجزائري وغيرهم من عملات مختلفه انخفضو في سعرهم امام الدولار
- طب علي اي اساس بيزيد وينقص...
= بدرجات متفاوته علي حسب اقتصاد كل دوله وعلي حسب قرارات قاداتها بعد القرارات الامريكيه دي
ربنا يصلح الحال والامور عالميا تستقر لان الي جي كده يقلق
سعر الدولار يوم 22-3-2022
22/مارس/ 2022
