هنعرض النهاردة معاكم إجابة لأهم الأسئلة وهو
سبب ارتفاع الأسعار وايه العلاقة بين ارتفاع الأسعار في مصر والحرب بين روسيا واوكرانيا.
نتكلم مثلا على سعر الدقيق و رغيف العيش اللي سعره زاد 25%...ارتفاع سعر اي سلعة بيكون بسبب المعروض من السلعة دي في الدولة اللي انت عايش فيها اقل من الطلب على السلعة دي..يعني الدقيق اللي عندنا موجود بنسبة قليلة جدا والانتاج اللي احنا بننتجه مش بيكفينا طيب عشان مش بيكفينا يبقى لازم نستورد دقيق من بره...تمام اووي كدا.. طيب انت تعرف ان مصر اكبر دول العالم استهلاك للدقيق.. طيب انت تعرف ان مصر بتستورد من بره بنسبة 80% من القمح والدقيق.. طيب عارف بقى مصر بتستورد من مين?! للأسف مصر بتستورد بنسبة 50% من روسيا وبنسبة 30% من أوكرانيا.. طيب لحد كدا تمام.. طيب انت بتسأل برضو ليه سعر الدقيق زاد؟!. انا هفهمك اكتر.. روسيا واوكرانيا حاليا بينهم حرب دلوقتي بالتالي كل تفكيرهم وشغلهم ع الحرب وبالتالي إنتاجهم للدقيق والقمح هيقل وبالتالي عندهم نسبة صغيرة من القمح والدقيق وبكدا هيغلو على مصر السعر لما تيجي تستورد منهم وبالتالي السعر هيغلي عليك هنا وبالفعل السعر غلي عليك..
وبكدا تبقى فهمت اي سبب غلو الأسعار قيس بكى الفكرة دي على أي سلعة سعرها بيرتفع.
زي السكر :- زاد بسبب اننا هنعتبره سلعه والسلعه دي قلت من السوق بسبب مثلا رمضان ان الناس بتعمل عصاير وحلويات كتير في رمضان بتستهلك سكر اكتر
زي الدولار:- زاد بسبب اننا هنعتبره سلعه والسلعه دي قلت من السوق والطلب عليها كتير اننا بنستورد بيها من الخارج
زي الذهب:- زاد بسبب اننا هنعتبره سلعه والسلعه دي قلت من السوق والسبب ان الدولار غلي ان السلعه مبقتش موجوده زي الاول بالتالي هتغلي
لما غلي الشعب اشتري ذهب لما الذهب قل من السوق بالتالي الذهب سعره هيغلي
دا مخطط بيوضح كل اللي اتقال فوق
مع تحيات:- محمد عمر-mohamed omar